Suraxanı rayonunda Şəhidlərin xatirəsinə həsr olunmuş free fighting idman növü üzrə turnir keçirilmişdir

21.08.2022-ci il tarixində Yeni Suraxanı qəsəbəsində Suraxanı Rayon İcra Hakimiyyətinin, Suraxanı rayon Gənclər və İdman İdarəsinin və Azərbaycan Həvəskar və Peşəkar Free Fighting Döyüş Mərkəzinin təşkilatçılığı ilə Yeni Suraxanı qəsəbə Şəhidlərinin əziz xatirəsinə həsr olunmuş free fighting idman növü üzrə turnir keçirilmişdir.

Yarışda Suraxanı Rayon İcra Hakimiyətinin Vətən müharibəsi iştirakçıları və şəhid ailələri ilə işin təşkili şöbəsinin nümayəndəsi Dəniz Aslan, YAP Suraxanı Rayon təşkilatının sədr müavini Salman Əbdülov, Yeni Suraxanı Bələdiyyəsinin sədri Fikrət Quliyev, Suraxanı rayon Gənclər və İdman İdarəsinin rəisi Amil Bağırov və İdarənin baş məsləhətçisi Rəşid Heydərov, Azərbaycan Vətən Müharibəsi Veteranları İctimai Birliyinin Suraxanı rayon şöbəsinin nümayəndəsi Aslan Şəkərov, Birinci Qarabağ müharibəsi və İkinci Vətən müharibəsinin qaziləri və qəsəbənin ictimai fəalları iştirak etmişlər.

YAP Suraxanı Rayon təşkilatının sədr müavini Salman Əbdülov turniri yüksək qiymətləndirmiş və öz əminliyini bildirmişdir ki, Yeni Suraxanı qəsəbəsində gələcək nəsillərin sağlam formalaşmasında, gənclərin asudə vaxtlarının səmərəli təşkilində bu cür idman yarışlarının müstəsna xidmətləri olacaqdır. 

Yarışın sonunda qaliblər medal və diplomlarla təltif olundular.